SSH | Skyndihjálp III

Það er mikilvægt að geta brugðist rétt við þegar slys verður á vinnustað. Hér er farið yfir almenna skyndihjálp og þau atriði sem hafa ber í huga þegar unnið er með fötluðum. 

Námskeiðið hefst á upprifjun úr skyndihjálp I og II.  Fjallað er um rafmagnsslys, kal, ofkælingu, ofhitun, eitranir, bráða sjúkdóma og sálræna skyndihjálp.

Eftir námskeiðin þrjú á að vera búið að fjalla um eftirtalin atriði:

• Aðgerðir á vettvangi 
• Skoðun og mat
• Endurlífgun fullorðinna og barna 
• Losun aðskotahluta 
• Brunasár 
• Blæðing 
• Beinbrot  og liðáverkar
• Höfuðáverkar 
• Sálrænn stuðningur
• Bráð veikindi, s.s. brjóstverkur, bráðaofnæmi, flogaveiki, sykursýki, öndunarerfiðleika og heilablóðfall

Námskeiðið er aðeins ætlað þeim sem boðaðir hafa verið á það af sínum yfirmönnum (fyrir starfsfólk sem starfar að málefnum fatlaðs fólks í Kópavogi, Hafnarfirði, Mosfellsbæ, Garðabæ og Seltjarnarnesi).

Námskeiðið er að kostnaðarlausu fyrir aðildarfélaga Starfsmenntar en bæjarfélögin greiða námskeiðsgjald fyrir aðra.