Hvenær er skylt að tilkynna aðstæður barna til barnaverndaryfirvalda?

Námskeiðið er að kostnaðarlausu fyrir aðildarfélaga Starfsmenntar, aðrir geta skráð sig hjá Háskóla Íslands.

Einstaklingar sem stöðu sinnar og starfa vegna hafa afskipti af málum barna bera skyldu til að tilkynna til barnaverndarþjónustu ef þeir hafa ástæðu til að ætla að barn búi við óviðunandi uppeldisaðstæður, verði fyrir ofbeldi eða annarri vanvirðandi háttsemi eða stofni heilsu sinni og þroska í alvarlega hættu.

Á námskeiðinu verður farið yfir hvernig barnaverndarþjónustu ber að fara með slíkar tilkynningar og hvaða sérstöku kröfur eru gerðar í því sambandi. Fjallað verður um hvaða mistök eru algeng á þessu sviði og hverjar séu afleiðingar þeirra.

Markmiðið er að þátttakendur átti sig á því hvenær tilkynningarskylda þeirra samkvæmt barnaverndarlögum verður virk og að starfólk barnaverndarþjónustu átti sig á því hvaða reglur gilda um meðferð slíkra tilkynninga.

Fjarnám í beinu streymi.

Námskeiðið er að kostnaðarlausu fyrir aðildarfélaga Starfsmenntar, aðrir geta skráð sig hjá Háskóla Íslands.

Stofnun stjórnsýslufræða og stjórnmála