Trúnaðarmenn Sameykis -# MeToo - og hvað svo? kl. 13:00-16:00

Á síðustu árum hafa sprottið upp samfélagsbylgjur þar sem konur greina frá kynferðislegu og kynbundnu ofbeldi og áreitni. Nýverið er einnig farið að bera á því að gerendur séu nafngreindir, ýmist í opinberum eða í lokuðum hópum. Hluti þessarar hegðunar og ofbeldi á sér stað á vinnumarkaði en málin snerta einnig vinnustaði með almennari hætti. Dæmi eru um bæði þolendur og gerendur sem leita til stéttarfélaga sinna í leit eftir ráðgjöf og aðstoð.

Meðal þeirra spurninga sem reynt verður að svara er hvert hlutverk stéttarfélaga og verkalýðshreyfingarinnar sé í þessari baráttu og hvernig stéttarfélög geti tekist á við einstök mál sem upp koma. Ásamt því verður fjallað um eðli, afleiðingar og umfang kynferðislegrar og kynbundinnar áreitni og ofbeldis, lagalegar skilgreiningar og hlutverk ólíkra stofnanna.