Vísdómur - Meðferð ágreiningsmála við gjaldþrotaskipti - einnig fjarkennt

Í 5. þætti laga nr. 21/1991 um gjaldþrotaskipti o.fl. er mælt fyrir um ýmis ágreiningsefni sem lögð verða fyrir héraðsdóm samkvæmt lögunum, svo sem vegna greiðslustöðvunar, nauðasamninga og gjaldþrotaskipta.

Á námskeiðinu verður stuttlega vikið að þeim grundvallarskilyrðum sem þurfa að vera uppfyllt til að kröfur um gjaldþrotaskipti nái fram að ganga fyrir dómi. Þá verður sérstök áhersla lögð á þær reglur sem gilda um þá málsmeðferð sem viðhafa ber þegar ágreiningur rís milli aðila vegna krafna um gjaldþrotaskipti.

Fjallað verður um helstu flokka slíkra ágreiningsefna og jafnframt gerð grein fyrir því á hvaða hátt málsmeðferð í slíkum ágreiningsmálum er frábrugðin hefðbundinni málsmeðferð í einkamálum, sbr. lög nr. 91/1991 um meðferð einkamála.