Forystufræðsla - Fúli félagsmaðurinn - Að takast á við krefjandi einstaklinga - Einnig í fjarfundi.

Öll lendum við í því að taka á móti erfiðum og krefjandi samstarfsfólki og félagsmönnum, einstaklingum sem eru ósáttir einhverra hluta vegna og láta þessa óánægju og reiði bitna á öðrum.

Á námskeiðinu verðu farið í hvernig:
•   Framkoma/aðstæður reynast þátttakendum erfiðar og hvers vegna – í hverju felst vandin og hvers vegna getur þjónusta (samskipti) verið krefjandi?
•   Þátttakendum er tamt að bregðast við krefjandi aðstæður s.s. ágengri framkomu og til hvaða árangurs það leiðir – hvað get ég gert til að draga úr vandanum? 
•   Sjálfsþekking og sjálfstraust hefur áhrif á færni í samskiptum s.s. að hjúpa sig, sjálfsstjórn, að setja sig í spor annara, hlustun, rauhæfar væntingar til starfsumhverfis,  setningar og ,,tækni“ sem gott er að grípa til
 

Lögð er áhersla á:
•   Styrkleika þátttakenda í ólíkum aðstæðum og leiðir til að temja sér ný viðbrögð og yfirfæra styrkleika frá einum aðstæðum yfir í aðrar – vertu sterki aðilinn!
•   Mikilvægi þess að leiða hugann að ástæðum fyrir vandanum t.d. með sjálfsþekkingu og að setja sig í spor viðskiptavinarins – hvað býr að baki?
•   Ýmsar leiðir til að halda jafnvægi og vera lausnarmiðaður í erfiðum aðstæðum – auktu færni þína, sjálfsaga, sjálfsöryggi og vertu sá sem er flínkur í að tala við alla og taka á málum!
•   Hvernig má á kurteinslega hátt standa fast á sínu, leiða samtalið á yfirvegaðri braut, setja mörk en sýna um leið skilning – sjálfsstyrkur og rósemi!
•   Leiðir til að vernda sjálfan sig gegn ágengum einstaklingum og taka ekki ásakanir persónulega – taktu þetta ekki inn á þig!
•   Viðhorf, líta á krefjandi einstaklinga sem áskorun til að þroska eigin samskiptafærni og persónustyrk – reynslubankinn: Þú ert alltaf að læra og styrkjast!

Unnið er með raunhæf dæmi úr starfsumhverfi þátttakenda og lögð áhersla á virkni þeirra og hagnýtingargildi vinnusmiðjunnar.

 

Verð er krónur 24.000 en stéttarfélögin greiða námskeiðsgjöldin fyrir félagsmenn sína.