Stýrikerfi – Viltu stilla tækin eftir þínum þörfum? Kl. 13-16

Á námskeiðinu fá þátttakandur kynningu á helstu stýrikerfum, hlutverki þeirra og tengingu við tæki.

Farið verður í stillingar á notendaviðmóti og hvernig þátttakandi getur stillt viðmót í samræmi við sínar þarfir.

Fjallað verður um aðgangsstýringar, uppfærslur og hvernig stýrikerfi vinna saman.

Námskeiðið er án kostnaðar fyrir aðildarfélaga Starfsmenntar.

Námskeiðið byggir á námskránni Tæknilæsi og tölvufærni – Vinnuumhverfi samtímans og er í boði Starfsmenntar og Framvegis.

Hæfniviðmið námsþáttar

Þátttakandi öðlast þekkingu og skilning á:

• Helstu stýrikerfum, eiginleikum þeirra og viðmóti.
•  Algengustu stillingum á notendaviðmóti ólíkra stýrikerfa og að þær geta verið mismunandi milli kerfa.
• Takmörkunum ólíkra stýrikerfa, t.d. varðandi framboð forrita sem hægt er að setja upp á stýrikerfi.
• Að stýrikerfi uppfylla ólíkar þarfir og bjóða upp á mismunandi notkunarmöguleika.

Þátttakandi öðlast leikni í að:

• Geta stillt viðmót stýrikerfis þannig að það verði notendavænt fyrir viðkomandi.
  

Þátttakandi nýtir sér námskeiðið til að:

• Meta og nota stillingar notendaviðmóts stýrikerfis sem auka skilvirkni og henta vinnuumhverfi.
• Átta sig á hvaða þáttum stýrikerfis hann getur haft stjórn á og hverjum ekki.