Grunnnám í reikningshaldi - staðnám eða fjarnám

ATH. Það er fullbókað á námskeiðið en hægt að láta setja sig á biðlista. Áhugasamir hafi samband við Sólborgu í síma 550 0060 eða í gegnum netfangið solborg@smennt.is

Námið er einkum ætlað þeim sem ekki hafa starfað við færslu bókhalds en vilja auka við þekkingu sína í reikningshaldi. Einnig fyrir þá sem hyggjast sækja undirbúningsnám til viðurkenningar bókara og vilja rifja upp kunnáttu sína í bókhaldi og dýpka þekkingu sína.

Námið byggir á meginreglum í reikningshaldi. Unnið er út frá lagaumhverfi á Íslandi og horft til aðferða sem viðhafðar eru á bókhaldsstofum almennt. Námið styrkir grunnþekkingu þeirra sem vilja öðlast aukinn skilning á bókhaldi.
Lögð er áhersla á verklegar æfingar í náminu. Verklegar æfingar í Excel verða því í hverjum kennsluhluta til að auka á færni nemenda að tileinka sér efni námskeiðsins.

Hægt er að sækja námið bæði í fjarnámi og staðnámi.

Námið er eitt misseri. Kennsla hefst mið. 6. mars og lýkur lau.13. apríl. 
Kennt er aðra hverja viku á miðvikudögum og föstudögum kl. 16:15 - 19:15, nema síðustu tvær vikurnar, og laugardögum kl. 9:00 - 13:00. 
Samtals 40 klukkustundir.

Nánari upplýsingar.

Kennsluáætlun.

Námsvísir

Umsóknarfrestur er til 26. febrúar 2019.

Fyrirkomulag umsóknar:
Áhugasamir skrá sig hjá Starfsmennt sem sendir til baka slóð/hlekk að umsókn um námið hjá EHÍ. Hulda verkefnastjóri hjá EHÍ tekur við umsókninni og setur sig í samband við umsækjanda.

Athugið að Starfsmennt greiðir einu sinni fyrir hvern félagsmann á hvert námskeið. 

Nái félagsmaður ekki að ljúka námskeiði sem Starfsmennt hefur greitt fyrir hann og hyggst endurtaka það er bent á starfsmenntasjóði stéttarfélaga.