Launaskólinn - Þema II - Vinnutími og afgreiðsla launa

Markmiðið er að styrkja launafulltrúa og þá sem koma að starfsmanna og kjaramálum hjá ríki og bæ í starfi, með því að gefa heildarsýn yfir sviðið, kynna helstu ákvæði kjarasamninga og réttinda launþegans ásamt því að veita hagnýtar upplýsingar.

Laun og vinnutími (5 kst)

Fjallað er um megingrundvöll launaútreikninga, þ.e. vinnutíma starfsmanna. Farið yfirlykilatriði í því efni, s.s. vinnutímaskipulagið, dagvinnutímabil, neysluhlé og starfshlutfall,sem og tengd atriði eins og yfirvinnu, álagsgreiðslur og sérstaka frídaga. Áhersla er lögð áhefðbundna dagvinnu á mánaðarlaunum.

Rétt laun á réttum tíma (3 kst)

Umfjöllunarefnið er meginskylda vinnuveitenda sem er að greiða rétt laun á réttum tíma.Farið yfir ýmis grunnatriði svo sem hvort um mánaðarlaun eða tímavinnu sé að ræða,greiðsludag, uppgjörstímabil, lífeyrissjóðsgreiðslur og önnur launatengd gjöld sem og mistökí launaafgreiðslu.

Lágmarkshvíld og frítökuréttur (3 kst)

Hér er gerð grein fyrir öðrum tegundum vinnutímaskipulags en dagvinnu, einkum vaktavinnuog bakvöktum með tilliti til launaútreikninga. Fjallað er um vaktskrá, álagsgreiðslur vegnavinnu utan dagvinnutímabils, greiðslur vegna ótryggra neysluhléa, uppgjörsmáta vegnasérstakra frídaga (bæting, greiðslur og vetrarfrí), bakvaktargreiðslur, bakvaktarfrí, útköll o.fl. 

Umsjón

Guðrún J. Haraldsdóttir frá Fjársýslu ríkisins, Stefanía Jóna Níelssen og Guðmundur Freyr Sveinsson frá Sameyki.

Námskeiðið er félagsmönnum aðildarfélaga Starfsmenntar  að kostnaðarlausu, aðrir greiða kr. 55.000.