Aukin hluttekning og velvild á vinnustöðum
Áhersla á hluttekningu (e. compassion) og velvild í stjórnun og menningu vinnustaða er öflugt mótsvar við álagi og jafnvel þjáningu sem fyrirfinnst á vinnustöðum og í lífinu almennt. Mikilvægi mannúðar á við alla geira atvinnulífsins og þá er viðskiptalífið ekki undanskilið. Í ljósi aukinnar tæknivæðingar og hraða virðist nú, sem aldrei fyrr, vera þörf fyrir hluttekningu og félagslega næringu á vinnustöðum. Þegar tekið er eftir og brugðist við erfiðum upplifunum starfsfólks getur það skilað vinnustöðum víðtækum arði.
Markmið námskeiðsins er að kynna fyrir þátttakendum hvað einkennir hluttekningu og skilja hvernig hún getur birst á vinnustöðum. Farið verður yfir hvaða leiðir sé hægt að fara til að auka þessar áherslur og hve víðtæk og uppbyggjandi áhrif slíkrar vinnu geti verið.
Markmið námskeiðsins er að kynna fyrir þátttakendum hvað einkennir hluttekningu og skilja hvernig hún getur birst á vinnustöðum. Farið verður yfir hvaða leiðir sé hægt að fara til að auka þessar áherslur og hve víðtæk og uppbyggjandi áhrif slíkrar vinnu geti verið.
Hæfniviðmið
Aukin þekking á einkennum hluttekningar og hvernig megi markvisst auka hana á vinnustöðum.
Kortlagning á hvað er nú þegar verið að gera vel og hvernig megi ýta undir það.
Fara í gegnum æfingar sem hægt er að nýta á vinnustöðum.
Læra af reynslusögum annarra, fá hugmyndir af áþreifanlegum leiðum.
Innsýn í hvað séu góð fyrstu skref til að vinna enn frekar með hluttekningu á íslenskum vinnustöðum.
Fyrirkomulag
Lögð er áhersla á virka þátttöku í gegnum umræður og æfingar. Þátttakendur setja sig í spor félagslegra arkitekta og velta upp hagnýtum leiðum til að auka hluttekningu.Helstu upplýsingar
- TímiMán. 24. sept. kl. 9:00 - 12:00
- Lengd3 klst.
- UmsjónYlfa Edith Jakobsdóttir, ACC markþjálfi og diplóma í jákvæðri sálfræði.
- StaðsetningEndurmenntun Háskóla Íslands, Dunhaga 7, 107 Reykjavík.
- TegundStaðnám
- VerðÁn kostnaðar / Námskeiðið er félagsfólki aðildarfélaga og samstarfssjóða að kostnaðarlausu
- MarkhópurNámskeiðið er ætlað þeim sem hafa áhuga á að auðga menningu vinnustaða, auka velferð fólks og trúa því að aukin vellíðan starfsfólks skili víðtækum arði. Hentar vel hverjum þeim sem vinna með og hafa áhrif á menningu vinnustaða og mótun ferla.
- Gott að vitaAðildarfélögum Starfsmenntar að kostnaðarlausu. Sæti á námskeiðin teljast ekki 100% örugg fyrr en Starfsmennt hefur breytt stöðu skráningar úr “nýr” í “samþykkt”, póstur verður sendur á þáttakendur þess efnis viku áður en námskeiðið hefst.
Skráningu á þetta námskeið hefur verið lokað!
- MatMæting.
- Tengiliður námskeiðsSoffía G. Santacrocesmennt(at)smennt.is550 0060
Dagskrá
| Dagsetning | Dagskrá | Frá | Til | Kennari |
|---|---|---|---|---|
| 24.09.2018 | Aukin hluttekning og velvild á vinnustöðum | 09:00 | 12:00 | Ylfa Edith Jakobsdóttir |