PowerPoint / Margmiðlun og kynningar - Vefnámskeið

PowerPoint er öflugt verkfæri til að útbúa vönduð og eftirtektarverð gögn, s. s. glærur, litskyggnur, námsgögn og skjásýningar. Notandi hefur aðgang að mörg hundruð tilbúnum bakgrunnum og þarf aðeins að bæta við lykil-texta eða myndum til þess að útbúa lifandi og áhrifamikið efni. Bæta má t.d. við hreyfimyndum og hljóðupptökum sem auka áhrif skjásýninga.

Námskeiðið hentar sérstakleg vel öllum þeim sem þurfa að flytja mál sitt á skýran og skilmerkilegan hátt og/eða koma efni á framfæri á lifandi og sterkan hátt t.d. með því að setja glærur til kynninga á Netið. 

Námsþættir: 

• Sniðskjöl. Textabreytingar. Litasamsetning og myndefni.
• Listar, töflur, myndrit og skipurit. Haus & fótlínur. Minnispunktar.
• Útlínur, glæruröðun. Hreyfimyndir / Animation. Hljóðsetning. Sjálfvirk spilun.

Kennari hefur samband við alla skráða þátttakendur þann dag sem námskeið hefst. Það er þó opið fyrir skráningar alla fyrstu vikuna.

Námskeiðið fer allt fram í fjarnámi með aðferðum sem allir ráða við. Nemendur fá í upphafi senda kennslubók og leiðbeiningar en sækja að auki eftir leiðsögn kennslumyndbönd af Internetinu.

Þátttakendur sækja svo alla aðstoð við námið til kennarans, Bjartmars Þórs Huldusonar, í gegnum tölvupóst og þjónustusíma sem er opinn frá kl. 10.00 - 20.00 alla virka daga. 

Ef þú hefur einhverjar spurningar varðandi þetta nám er þér velkomið að hafa samband við Bjartmar Þór Hulduson í síma 788 8805 eða í netfangið kennari(at)nemandi.is.