Isavia - Árangursrík samskipti - trú á eigin getu

Hér er um stutta vinnustofu að ræða þar sem tekin verða fyrir þau lykilatriði sem gera fólki kleift að ná sínu besta fram þegar máli skiptir ásamt því að ná hámarksárangri í samskiptum.

Farið verður yfir þau atriði sem einkenna jákvæð og árangursrík samskipti og hvernig unnt er að takast á við krefjandi einstaklinga með farsælum hætti þrátt fyrir ólíkar þarfir þeirra og framkomu. Þá verður einnig fjallað um áhrif hugarfars á hegðun og líðan með áherslu á aðferðir til að efla eigið sjálfstraust.

Vinnustofan byggist á fyrirlestri, umræðum og verkefni.

Ætlað öllum þeim sem vilja styrkja sig enn frekar auk þess að hafa jákvæð áhrif á aðra.