Þema I | Upphaf starfs, starfsskyldur og starfslok
Hér er farið yfir helstu reglur sem gilda um ráðningar starfsmanna, t.d. auglýsingaskyldu, veitingarvaldið, málsmeðferð og ákvörðun um ráðningu. Gerð verður grein fyrir stjórnunarrétti vinnuveitenda og starfsskyldum starfsmanna, m.a. verður fjallað um vinnuskyldu, hlýðniskyldu, þagnarskyldu, heimild til breytinga á störfum og reglur sem gilda um áminningar. Þá verður fjallað um siðareglur í starfi og samfélagslega ábyrgð starfsstétta auk þess sem kynnt verður mikilvægi siðareglna innan stjórnsýslunnar. Þá verður og fjallað um ástæður starfsloka, niðurlagningu starfa við sameiningu stofnana, niðurlagningu starfa vegna samdráttar í starfssemi, biðlaun og aðilaskiptalögin.
Markmið
Að fá almenna þekkingu á reglum um ráðningar starfsmanna, starfsskyldur þeirra, breytingar á störfum og áminningar.
Að þekkja stjórnunarrétt vinnuveitenda og almennar siðareglur starfa og samfélagslegt mikilvægi þeirra.
Að þekkja hvaða lögmætar ástæður geta búið að baki starfslokum starfsmanna hjá ríki og sveitarfélögum og kunni skil á þeim reglum sem gilda um þau.
Fyrirkomulag
Fyrirlestur og umræður.Helstu upplýsingar
- TímiMánudagur 17. , miðvikudagur 19. og mánudagur 24. október 2022 kl. 9:00 - 12:00
- Lengd9 klst.
- UmsjónSara Lind Guðbergsdóttir
- StaðsetningVefnám á rauntíma, kennt á Teams
- TegundFjarnám
- Verð49.500 kr.
- MarkhópurLaunafulltrúar og þeir sem koma að starfsmanna- og kjaramálum.
- Tengiliður námskeiðsBjörg Valsdóttir
- Mat90% mæting.
Skráningu á þetta námskeið hefur verið lokað!
Gott að vita
Markmiðið með náminu er að svara brýnni þörf fyrir fræðslu um launamál og launaafgreiðslu og tengja það við kjarasamninga og regluverk í starfsmannamálum og á þann hátt að efla sérfræðiþekkingu starfsfólks.
Dagskrá
| Dagsetning | Námsþáttur | Kennari |
|---|---|---|
| 17.10.2022 | Upphaf starfs, starfsskyldur og starfslok | Sara Lind Guðbergsdóttir |
| 19.10.2022 | Upphaf starfs, starfsskyldur og starfslok | Sara Lind Guðbergsdóttir |
| 24.10.2022 | Upphaf starfs, starfsskyldur og starfslok | Sara Lind Guðbergsdóttir |