Almennt tölvunám

Vilt þú læra að nota tölvuna og athafna þig á netinu af öryggi?

Þetta námskeið er ætlað þeim sem vilja styrkja grunnfærni sína í tölvunotkun á einfaldan og aðgengilegan hátt.

Lögð er áhersla á hagnýta færni sem nýtist strax í daglegum verkefnum, hvort sem er heima eða í starfi. Námið fer fram í skýru og styðjandi umhverfi þar sem þátttakendur fá tíma til að læra á sínum hraða og byggja upp öryggi í notkun tækninnar.

Þú kynnist helsta hugbúnaði eins og Windows stýrikerfinu, Word og Excel og jafnframt eykur færni þína í öruggri notkun upplýsingatækni.

Efnistök:

• Windows stýrikerfið 
• Skipulagning á skrám og möppum 
• Word til þess að leysa fjölbreytt verkefni, helstu skipanir í forritinu og verkfæri
• Innsetning á myndum og töflum í skjöl
• Einfaldar formúlur, myndrit og gagnavinnsla í Excel
• Grunnatriði upplýsingatækni og gagnaverndar
• Hugbúnaður, vélbúnaður og vinnustellingar