Trúnaðarmenn Sameykis - Árangursrík samskipti - Vefnám 25. feb. kl. 9:00-12:00

Skráningu á þetta námskeið hefur verið lokað.

Lýsing

Góð samskiptafærni er gríðarlega mikilvæg og getur skipt sköpum varðandi farsæld í starfi og einkalífi.

Á námskeiðinu er lögð áhersla á að þátttakendur átti sig á eigin samskiptamynstrum. Hver og einn kortleggur hvað er gagnlegt og árangursríkt í samskiptastíl viðkomandi og hvað mætti betur fara. Á námskeiðinu þurfa þátttakendur að líta í eiginn barm og setja sér markmið varðandi eigin samskiptaaðferðir í því skyni að ná betri árangri og aukinni ánægju.

Sérstaklega er farið yfir vænlegar leiðir til að ná fram breytingum í samskiptamynstrum, samvinnu í hóp og ólíkum samskiptastílum. Farið er yfir þessi atriði á námskeiðinu auk þess sem þátttakendur vinna verkefni.

Námskeiðið er aðlagað að starfi trúnaðarmanna.

Námskeiðið verður í boði í fjarnámi í gegnum fjarfundakerfið Zoom sem margir þekkja í dag. Kerfið er einfalt í notkun en þátttakendur fá sendan hlekk í fundarboði sem þeir virkja þegar námskeiðið hefst. Nauðsynlegt er að hafa góða nettengingu, myndavél (nóg að hún sé innbyggð í tölvunni) og hljóðnema. Í Zoom fjarfundakerfinu sjá þátttakendur það sem fram fer á skjánum og geta einnig séð kennara og aðra þátttakendur, tekið þátt í umræðum og spjalli.

Efnistök

Að efla öryggi í framkomu.
Að efla samtalstækni og virka hlustun.
Að efla sjálfstraust.
Að efla hæfileikann til að miðla málum.

Hæfniviðmið

Að efla öryggi í framkomu.
Að efla samtalstækni og virka hlustun.
Að efla sjálfstraust.
Að efla hæfileikann til að miðla málum.

Fyrirkomulag

Námskeiðið byggist á fyrirlestri, umræðum og léttum æfingum.

Gott að vita

Samstarfsaðili

Félagsmálaskóli alþýðu

Umsjón

Sigríður Hulda Jónsdóttir

Tengiliðir námskeiðs

Sólborg Alda Pétursdóttir - solborg(hjá)smennt.is

Námsform

Á eigin hraða

Lengd

3 klst

Mat

Mæting og þátttaka.

Verð

Án kostnaðar fyrir félagsfólk aðildarfélaga og samstarfssjóða

Markhópur

Trúnaðarmenn Sameykis