Gervigreind – regluverk og stefnumótun

Gervigreind er að umbreyta vinnustöðum, þjónustu og ákvarðanatöku. Brátt mun nýtt regluverk skilgreina hvernig hún má og á að vera notuð. Síðar á þessu ári verður reglugerð Evrópusambandsins um gervigreind (EU AI Act) innleidd á Íslandi og mun hún hafa bein áhrif á fyrirtæki, stofnanir og opinbera aðila sem þróa, kaupa eða nýta gervigreind.

Mikilvægt er að skilja þau rök sem búa að baki reglum um gervigreind, kosti þeirra og galla, og áskoranir við reglusetningu. Sá skilningur auðveldar túlkun og beitingu regluverksins og aðstoðar við regluhlítni.

Til að setja evrópska regluverkið í samhengi og dýpka skilning verður einnig litið til þróunar og löggjafar í öðrum heimshlutum.

Vertu tilbúin(n) þegar regluverkið tekur gildi. Þekkingin sem þú færð hér getur sparað tíma, dregið úr áhættu og aukið traust í notkun gervigreindar.

Umfjöllunarefni:

• Inntak gervigreindar og áhrif á samfélag, fyrirtæki og stofnanir
• Til hvers gervigreind er nýtileg og hvaða hættur hún hefur í för með sér
• Áskoranir við að móta reglur fyrir gervigreind, ólík regluverk og stefnur eftir heimshlutum.
• Reglugerð Evrópusambandsins – The EU AI Act, skipting í áhættuflokka og kröfur hvers flokks. Sérstök áhersla verður lögð á gervigreind sem felur í sér mikla hættu fyrir grundvallarréttindi einstaklinga.