Hússtjórnarkerfi - rekstur og viðhald

Eingöngu félagsmenn aðildarfélaga Starfsmenntar geta skráð sig hér á námskeiðið og er námskeiðið þeim að kostnaðarlausu. Aðrir verða að skrá sig hjá Iðunni fræðslusetri.

Námskeiðið eykur skilning á þeim verkfærum og kerfum sem umsjónaraðilar og rekstraraðilar farsteingna/bygginga þurfa að hafa til að geta sinnt starfi sínu á skilvirkan hátt.

Námskeiðið veitir innsýn í vaxandi mikilvægi tæknilegs rekstrar á opinberum og einkareknum byggingum og hver eru markmið og verkefni rekstrarsviðs. Nútíma byggingar eru oftar en ekki hlaðnar tæknikerfum af ýmsum toga.

Starf umsjónaraðila slíkra bygginga hefur því undanfarin misseri tekið stakkaskiptum hvað varðar kröfu um tæknilæsi og meðhöndlun upplýsinga. Eitt öflugasta verkfæri umsjónarmanna er í dag Hússtjórnarkerfi en meginmarkmið þess er að stýra notkun, samræma og vakta hin ýmsu tæknikerfi byggingarinnar.

Farið er yfir eftirfarandi meginsvið á námskeiðinu:

• Helstu kröfur notanda til tæknikerfa í byggingum
•  Uppbygging hússtjórnarkerfis og helstu tæknikerfi bygginga
• Notkunarmöguleikar hússtjórnarkerfis
• Bilanaleit og fyrirbyggjandi aðgerðir með hússtjórnarkerfi
• Eftirlit og stjórnun orkunotkunar í byggingum

ATH. Hægt að skrá sig á staðnámskeið eða fjarnámskeið (í beinu streymi), þá er hakað við fjarnám í skráningarferlinu.