Heilabilunarsjúkdómar á efri árum - Vefnám kl. 09:00 - 11:00

Á Íslandi er gert ráð fyrir verulegri fjölgun í elstu aldurhópunum og með hækkandi aldri þá aukast líkurnar á að fá heilabilunarsjúkdóm, þó svo að heilabilun sé ekki eðlilegur fylgifiskur öldrunar. Samkvæmt Alþjóða heilbrigðisstofnuninni eru nú þegar 55 milljónir manna í heiminum með heilabilunarsjúkdóma og 10 milljónir bætast við árlega. Á Íslandi má áætla að séu um 5000 manns með heilabilunarsjúkdóma og af þeim fjölda séu um 250 manns undir 65 ára aldri. 
Á námskeiðinu verður farið yfir helstu heilabilunarsjúkdóma, einkenni og framgang sjúkdóma.

Námskeiðið er helst ætlað þeim sem starfa við umönnun og þjónustu heilabilaðra en hentar einnig aðstandendum.

Einnig verður farið yfir:

• Að lifa með heilabilun
• Lífssaga
• Samskipti
• Styðjandi samfélag fyrir fólk með heilabilun
• Að vera heilavinur
• Um Alzheimersamtökin
• Stuðningur við aðstandendur

Markmið með námskeið er að þátttakendur fræðist um hina ýmsu heilabilunarsjúkdóma. Geti sett sig í spor hins veika og aðstandenda þeirra. Fræðast um starfsemi Alzheimersamtakanna og hvar hægt sé að leita sér stuðnings í samfélaginu. 

Upptaka verður aðgengileg skráðum þátttakendum viku eftir að námskeiði hefur verið lokað.