Notkun gervigreindar í stjórnsýslunni - möguleikar og takmarkanir

Á námskeiðinu er fjallað um grunnatriði og hagnýtingu skapandi gervigreindar (e. generative AI) innan stjórnsýslunnar. Farið er yfir tæknilega innviði stórra tungumálalíkana, svo sem ChatGPT, og hvernig hægt er að nýta þau til að styðja við stjórnsýsluframkvæmd og tryggja samræmi í matskenndum ákvörðunum.

Sérstök áhersla er lögð á þau álitaefni sem stjórnvöld standa frammi fyrir við innleiðingu tækninnar. Fjallað er um kröfur varðandi persónuvernd, reglur stjórnsýsluréttar og þær auknu kröfur sem fylgja væntanlegri gervigreindarreglugerð ESB.

Þá er einnig kafað ofan í þær hættur sem fylgja notkun skapandi gervigreindar í opinberum rekstri. Sérstök áhersla er lögð á mikilvægi gagnsæis í stjórnsýslu og hvernig tryggja megi jafnræði borgaranna þegar tæknin er nýtt við ákvarðanatöku.

Farið verður yfir lærdómsrík dæmi frá hinum Norðurlöndunum, þar sem reynsla af innleiðingu gervigreindar við eftirlit og undirbúning ákvarðana er skoðuð. Greind verða þau vandamál sem hafa komið upp og hvernig stjórnvöld geta forðast algengar gryfjur við innleiðingu nýrra lausna.

Efnistök

• Eðli skapandi gervigreindar
• Þjálfun og stilling líkana
• Lagarammi
  
• Siðfræði og réttindi
  
• Vandamál í framkvæmd