Ábyrg notkun gervigreindar í opinberri stjórnsýslu

- persónuverndarlög sem vegvísirinn

 Ný tækni eins og gervigreind skapar bæði tækifæri og áskoranir fyrir opinbera stjórnsýslu. Hún getur aukið skilvirkni, bætt þjónustu við borgara og stutt við stefnumótun – en felur jafnframt í sér verulega áhættu fyrir friðhelgi og réttindi einstaklinga.

Á námskeiðinu verður farið yfir grunnatriði persónuverndarlaganna, helstu hugtök og skyldur þeirra sem vinna persónuupplýsingar ásamt aðferðarfræði laganna. Þá verður fjallað um snertifleti persónuverndar við gervigreind, hvenær persónuverndarlögin gilda og hvernig hægt er að stuðla að ábyrgri notkun gervigreindar í starfsemi hins opinbera með persónuverndarlög að leiðarljósi.