Vellíðan og velgengni í starfi - með jákvæða sálfræði og núvitund að leiðarljósi
Á námskeiðinu er fjallað um helstu svið jákvæðrar sálfræði með áherslu á styrkleika, hugarfar og flæði ásamt því að skoða áhrifamátt bjartsýni, jákvæðra tilfinninga og samskipta. Farið er yfir hvað felst í núvitund, ávinning þess að tileinka okkur núvitund og hvernig við getum fléttað því inn í annasamt daglegt líf og starf. Áhersla er lögð á hvað við sem einstaklingar getum gert til að efla okkur og bæta líðan. Farið er í skemmtilegar og árangursríkar æfingar sem hjálpa okkur við að tileinka okkur nýjar leiðir til að nálgast áskoranir í starfsumhverfi okkar og stuðla þannig að eigin vellíðan og velgengni í starfi.
Á námskeiðinu er fjallað um:
• Helstu fræðasvið jákvæðrar sálfræði, s.s. styrkleika, flæði, hugarfar, jákvæðar tilfinningar og samskipti.
• Núvitund og ávinning þess að tileinka sér núvitund.
• Hagnýtar raunprófaðar æfingar sem byggja á grunni núvitundar og jákvæðrar sálfræði.
• Hvernig flétta megi jákvæða sálfræði og núvitund inn í daglegt líf og starf til að efla eigin vellíðan og velgengni.
Ávinningur þinn:
• Aukin sjálfsþekking, jákvæðni og jafnaðargeð.
• Meiri starfsgleði og samskiptahæfni.
• Fleiri verkfæri í verkfæratösku daglegs lífs, þ.e. þekking á æfingum og leiðum sem þú getur nýtt þér til að auka vellíðan og velgengni.
Hæfniviðmið
Að veita innsýn í jákvæða sálfræði og núvitund.
Að tileinka sér hagnýtar æfingar til að auka vellíðan og velgengni í starfi.
Fyrirkomulag
Fyrirlestur og æfingar.Helstu upplýsingar
- TímiMánudagur 9. og fimmtudagur 12. maí kl. 16:15 - 19:15
- Lengd6 klst.
- UmsjónBryndís Jóna Jónsdóttir núvitundarkennari, MA í náms- og starfsráðgjöf og MA-diploma í jákvæðri sálfræði
- StaðsetningEndurmenntun Háskóla Íslands, Dunhaga 7, 107 Reykjavík
- TegundStaðnám
- VerðÁn kostnaðar / Námskeiðið er félagsfólki aðildarfélaga og samstarfssjóða að kostnaðarlausu
- MarkhópurFyrir félagsmenn Starfsmenntar sem vilja auka vellíðan og velgengni í starfi og nýta aðferðir jákvæðrar sálfræði og núvitundar.
- Gott að vitaAðildarfélögum Starfsmenntar að kostnaðarlausu.Eingöngu félagsmenn aðildarfélaga Starfsmenntar geta skráð sig hér á námskeiðið.Aðrir verða að skrá sig hjá Endurmenntun Háskóla Íslands.Sæti á námskeiðin teljast ekki 100% örugg fyrr en Starfsmennt hefur breytt stöðu skráningar úr “nýr” í “samþykkt”, póstur verður sendur á þáttakendur þess efnis viku áður en námskeiðið hefst.
- MatMæting og þátttaka.
- Tengiliður námskeiðsSoffía G. Santacrocesoffia(hjá)smennt.is550 0060
Dagskrá
Dagsetning | Dagskrá | Frá | Til | Kennari |
---|---|---|---|---|
09.05.2022 | Vellíðan og velgengni í starfi | 16:15 | 19:15 | Bryndís Jóna Jónsdóttir |
12.05.2022 | Vellíðan og velgengni í starfi | 16:15 | 19:15 | Sami kennari |