Dómstólasýslan | Leiðir til að takast á við krefjandi viðskiptavini

Allir viðskiptavinir eiga rétt á góðri þjónustu, líka þeir krefjandi. Það er því mikilvægt að starfsfólk búi yfir færni til að takast á við þá á árangursríkan hátt. Á námskeiðinu verður fjallað um nytsamlegar leiðir með það að markmiði.

Skoðað verður hvernig framkoma viðskiptavinar reynist þátttakendum erfiðust og hvers vegna – í hverju felst vandinn?
Ræddar verða árangursríkar leiðir til að bregðast við ágengri framkomu með því að halda jafnvægi og vera lausnarmiðaður.
Farið verður í það hvernig hægt er að nýta eigin styrkleika í ólíkum aðstæðum.
Fjallað verður um mikilvægi þess að leiða hugann að ástæðum fyrir vandanum, að geta sett sig í spor viðskiptavinarins og sýna honum skilning án þess að samþykkja allt sem hann segir.
Einnig verða ræddar verða leiðir til að vernda sjálfan sig gegn ágengum einstaklingum og að taka ekki ásökunum persónulega.