Grisjun skjala

Grisjun skjala felur í sér að skjöl sem tilheyra tilteknu skjalasafni eru tekin úr safninu og þeim eytt eða fargað samkvæmt viðeigandi reglum að fenginni heimild til grisjunnar. 

Markmiðið með grisjun í opinberum skjalasöfnum er vanalega að hindra að skjalavarsla stofnunarinnar/embættisins sé ekki íþyngt með skjölum sem hafa ekkert upplýsingagildi, eiga sér samsvarandi skráningu í sama skjalasafni eða skjalasafni annarrar stofnunar eða hafa tímabundið upplýsingagildi

Á námskeiðinu verður fjallað um lög um opinber skjalasöfn og hvað segir þar um grisjun skjala hjá afhendingarskyldum aðilum (opinberum aðilum) og aðrar reglur sem hafa verið settar um varðveislu og eyðingu skjala.

Þá verður farið yfir það hvað er skoðað þegar ákveðið er að veita heimild til að eyða skjölum hjá afhendingarskyldum aðilum.

Farið verður yfir það hvernig á að sækja um heimild fyrir grisjun skjala og svo eru tekin raunveruleg dæmi þar sem grisjun hefur verið samþykkt eða henni hafnað.