Stafræn umbreyting og leiðtogar

Námskeið á vegum Akademías fyrir öll sem vilja kynna sér þær umbreytingar sem eru að verða vegna stafrænnar þróunar og þau sem vilja leiða breytingar sem byggja á stafrænni umbreytingu innan fyrirtækja.

Stafrænar umbreytingar eru að gjörbreyta hvernig fyrirtæki starfa, hvernig neytendur versla og upplifa og hvernig starfsmenn vinna. Drifkraftur breytinga er alltaf að aukast og það er þegar ljóst að flest störf munu breytast og skapandi eyðilegging mun gera þau fyrirtæki úrelt sem leitast ekki við að breytast í takt við tímann. Það er mikil þörf fyrir stafræna leiðtoga sem skilja að stafræn umbreyting er ekki vegferð sem snýst um útlit heldur kjarnafærni fyrirtækisins.

Um hvað er námskeiðið?

 Námskeiðið fjallar annars vegar um af hverju stafrænar umbreytingar munu hafa gríðarleg áhrif og eru tækifæri fyrir framtíðina og hins vegar um hlutverk stafræns leiðtoga í fyrirtækjum. Fjallað er um hvernig stafrænn leiðtogi þarf að búa til þverfagleg teymi sem hafa umbreytingar að leiðarljósi og miða að því að skerpa á kjarnafærni fyrirtækja.