Verkáætlanir

 Á námskeiðinu er farið yfir meginrás verkefna og m.a. rætt um ferli, áfanga og tímavörður og gerð verkáætlana. Rætt er um mat á aðfangaþörf, farið er í ýmsa fjárhagslega þætti, kostnaðararáætlanir og notkun aðferðar unnins virðis (earned value). Þátttakendur læra grunnatriði í gerð kostnaðaráætlana og hvernig byggja má upp einfaldar kostnaðaráætlanir og áætla fjárstreymi í verkefnum.

Efnisþættir námskeiðsins:
- Sundurliðun verkefnis í þætti og ferli, ákvörðun um röð aðgerða, myndræn framsetning verkefnisins.
- Fjallað um grunn verkáætlana, verkþætti og tímasetningar, og fjallað um mismunandi myndræna framsetningu verkáætlana.
- Rætt er um óvissu í kostnaðaráætlunum. Fjallað er um mat aðfanga og mismunandi sjónarhorn við gerð kostnaðaráætlana.
- Kennd er aðferð til að byggja upp kostnaðaráætlun á grundvelli lágmörkunar óvissu.
- Uppsetning á kostnaðaráætlun.
- Fjárstreymi og unnið virði í eftirfylgni á verkefnum.


Markmið

Að þróa hæfni til að taka við verkefni og sundurliða það í áfanga og tímavörður.

Að þróa hæfni til að taka tillit til óvissu í gerð verkáætlunar.

Að þróa hæfni í að gera kostnaðaráætlanir og kostnaðareftirlit.

Fyrirkomulag

Kennsla fer fram með fyrirlestrum og hópæfingum þar sem þátttakendur takast á við aðferðafræði og beita henni á raunveruleg dæmi. Í lok námskeiðs fá þátttakendur viðurkenningarskjal frá EHÍ hafi þeir staðist námskeiðið.





Helstu upplýsingar

  • Tími
    Þriðjudagur 6. og fimmtudagur 8. apríl 2021 frá kl. 8:30 - 12:30
  • Lengd
    8 klst.
  • Umsjón
    Sveinbjörn Jónsson M.Sc. í verkfræði og MPM
  • Staðsetning
    Endurmenntun Háskóla Íslands, Dunhagi 7, 107 Reykjavík
  • Tegund
    Námskeið
  • Verð
    Án kostnaðar
  • Markhópur
    Fyrir félagsmenn Starfsmenntar sem vinna í verkefnum og eftirfylgni og kostnaður er stór hluti af daglegu starfi.
  • Tengiliður námskeiðs
    Soffía G. Santacroce
    smennt(hjá)smennt.is

Gott að vita

Eingöngu félagsmenn aðildarfélaga Starfsmenntar geta skráð sig hér á námskeiðið.

Aðrir verða að skrá sig hjá Endurmenntun Háskóla Íslands.

Sæti á námskeiðin teljast ekki 100% örugg fyrr en Starfsmennt hefur breytt stöðu skráningar úr “nýr” í “samþykkt”, póstur verður sendur á þáttakendur þess efnis viku áður en námskeiðið hefst.

Dagskrá

DagsetningNámsþátturFráTilKennari
06.04.2021Verkáætlanir08:3012:30Sveinbjörn Jónsson
08.04.2020Verkáætlanir08:3012:30Sveinbjörn Jónsson