Virkjaðu skapandi hugsun

Hvernig getum við virkjað skapandi hugsun í lífi og starfi?

Í síbreytilegu umhverfi nútímans er mikilvægt að geta notað skapandi hugsun til þess að efla nýsköpun og aðlagast nýjum aðstæðum. Þegar við nálgumst tæknina með opnum huga og forvitni verða til fleiri hugmyndir, betri spurningar og skýrari lausnir sem getur sparað tíma og aukið gæði vinnunnar.

Á þessu námskeiði kynnist þú ýmsum aðferðum sem styðjast við vísindalegar rannsóknir með það að markmiði að efla eigin sköpunarkraft og auka velgengni. Þú lærir að virkja sköpunarkraftinn og nýta hann á markvissan hátt í starfi og daglegu lífi. Jafnframt er fjallað um hvernig skapandi hugsun getur stutt við árangursríka notkun gervigreindar.

Efnistök:

• Gagnreyndar aðferðir úr smiðju jákvæðrar sálfræði 
• Áhrifaríkar leiðir til þess að draga úr álagi og minnka streitu
• Hugtakið skapandi hugsun og hvernig má efla hana
• Leiðir til að yfirstíga hindranir og virkja skapandi hugsun
• Hagnýtar aðferðir til að örva hugmyndaflug og nýja nálgun
• Leiðir til að nýta eigin styrkleika og auka frumkvæði og árangur
• Tengsl skapandi hugsunar og notkun gervigreindar í starfi