Reykjavíkurborg | USK - Fræðsludagur- Er brjálað að gera?

Fræðsludagur skrifstofufulltrúa Umhverfis- og skipulagssviðs sem eru í Sameyki verður haldinn 26. október kl. 9:00-13:00. Haldin verður vinnustofa um hvernig hægt er að takast á við streitu, álag og áreiti í þjónustu. Hádegisverður í boði USK á námskeiðsstað.

Dagskrá fræðsludagsins

Kl. 9:00-9:30

Kaffi og kruðerí. Kynning á þjónustu Starfsmenntar.

Kl. 9:30-12:00

Vinnustofa- Er brjálað að gera?

Setningin sem við spyrjum  hvort annað að reglulega og lítum á sem eðlilegt ástand. Hvernig getum við brugðist við þegar það er stöðugt áreiti í vinnunni og við náum ekki að komast yfir verkefnin okkar. Veltum fyrir okkur hvernig eru samskiptin okkar við hvort annað og við viðskiptavini. Við skoðum helstu streituvalda okkar, bæði innri og ytri og hvernig við tökumst sem best á við þá og skoðum hvaða bjargráð við höfum. Í síkvikum heimi þar sem við erum endalaust að takast á við breytingar þá skiptir hugarfar okkar miklu máli og að við tileinkum okkur gróskuhugarfar og ræðum saman um það.   

Einnig verður fjallað um sálrænt öryggi og  af hverju það er svona mikilvægt á vinnustaðnum að við þekkjum það.   

Vinnustofan er vettvangur til að blanda saman fræðslu og umræðum þar sem áhersla er á virka þátttöku allra og að raddir allra fái að heyrast. 

Kl. 12:00-13:00

Hádegisverður í boði USK (hjá Starfsmennt).

Vinsamlegast skráið ykkur fyrir kl. 12 þriðjudaginn 25. október. Endilega látið okkur vita ef þið eruð með ofnæmi eða annað sem þið viljið koma á framfæri varðandi matinn.