Áhugasviðsgreining

Áhugasviðsgreining og viðtal við náms- og starfsráðgjafa er valnámskeið og stendur þeim til boða sem eru í Launaskólanum. Er um að ræða samtal við náms- og starfsráðgjafa, áhugasviðsgreiningu og viðtal í kjölfarið varðandi túlkun og möguleika fyrir viðkomandi.

Áhugakannanir kortleggja áhugasvið og er hugsunin sú að starfsánægja fólks og almenn líðan aukist þar sem samræmi er á milli áhuga og starfsumhverfis. Sjálfsþekkingin þaðan getur komið að gagni varðandi nám, störf og tómstundir. 

Hægt er að ræða við ráðgjafa í síma, í ráðgjafarými Starfsmenntar eða á fjarfundi á Teams.  Dagur og tími viðtals er að eigin vali í samráði við ráðgjafa sem mun hafa samband við þig.

Meginmarkmið náms- og starfsráðgjafar er að efla vitund einstaklinga um styrkleika sína, viðhorf og áhuga svo þeir geti betur notið sín í lífi og starfi.