Falsfréttir, samfélagsmiðlar og gervigreind – eitruð blanda fyrir framtíð lýðræðis? veffyrirlestur kl. 9-10

Eru allar fréttir réttar? Hvað þýðir upplýsingaóreiða og falsfréttir? Hvers vegna er falsfréttum dreift á netinu? Hvaða áhrif hefur upplýsingaóreiða á samfélagið? 

Í erindinu verður þessum spurningum og fleirum svarað til að efla færni okkar í að greina á milli falskra og réttra upplýsinga á netinu. 

Elfa Ýr Gylfadóttir er fjölmiðlafræðingur og framkvæmdastjóri Fjölmiðlanefndar sem m.a. hefur það hlutverk að efla fjölmiðlalæsi, fjölbreytni og fjölræði í fjölmiðlum, standa vörð um tjáningarfrelsi og rétt almennings til upplýsinga.  Elfa Ýr hefur setið í stjórn stýrinefndar Evrópuráðsins um fjölmiðla og upplýsingasamfélagið og haldið fjölmörg erindi og stýrt málþingum um tjáningarfrelsi, frelsi til upplýsinga og fjölmiðlalöggjöf ásamt því að hafa verið stundakennari í Háskóla Íslands. 

Erindið er hluti af fyrirlestraröð um almenna stafræna hæfni í tilefni af 20 ára afmæli Starfsmenntar.

Veffyrirlestur

Fyrirlesturinn er öllum aðgengilegur.