Hraðferð um stjórnsýsluréttinn - Skilvirk meðferð mála í samræmi við stjórnsýslulög

Námskeiðið er að kostnaðarlausu fyrir aðildarfélaga Starfsmenntar, aðrir geta skráð sig hjá Háskóla Íslands.

Á námskeiðinu verður farið yfir mikilvægustu atriði stjórnsýslulaganna með áherslu á þau raunhæfu álitaefni sem helst reynir á með dæmum úr framkvæmd laganna. Fjallað verður um grundvallarhugtök stjórnsýslulaganna á borð við það hvað sé stjórnvaldsákvörðun og hverjir teljast aðilar máls þar sem slík ákvörðun er tekin. Einnig verður fjallað um þær reglur laganna sem ætlað er að koma í veg fyrir hagsmunaárekstra og þær kröfur sem gerðar eru í lögunum til rannsóknar máls og andmælaréttar aðila. 

Þá verður fjallað um rétt aðila máls til aðgangs að gögnum og hvernig ber að rökstyðja stjórnvaldsákvarðanir.

Markmiðið er að þátttakendur öðlist innsýn í grundvallarhugtök stjórnsýslulaganna á borð við það hvað sé stjórnvaldsákvörðun og hverjir teljast aðilar máls þar sem slík ákvörðun er tekin.