Þjónustugæði – 5 þættir sem þú getur nýtt þér strax

Hvernig getum við aukið þjónustugæði?

Þjónustugæði byggjast oft á litlum en mikilvægum atriðum. Framkoma, viðbrögð og samskipti geta haft stór áhrif á upplifun viðskiptavina og samstarfsfólks.

Þetta stutta og hagnýta rafræna námskeið fjallar um fimm lykilþætti þjónustugæða og hvernig þeir birtast í daglegu starfi. Efnið er sett fram í kennslumyndbandi með leiknum dæmum úr raunverulegum aðstæðum. Þar má sjá bæði góða og síður góða þjónustu og hvernig mismunandi viðbrögð geta breytt upplifuninni.

Með námskeiðinu fylgir verkefnapakki sem hjálpar þér að tengja efnið við eigið starf. Þar gefst tækifæri til að ígrunda eigin vinnubrögð og prófa einfaldar aðferðir sem geta styrkt samskipti og þjónustu.

Tveimur vikum eftir að opnað hefur verið fyrir námsefni námskeiðis færð þú stuttan eftirfylgnipóst sem minnir á lykilatriðin og hvetur til áframhaldandi þróunar í starfi. Þannig festist lærdómurinn betur í sessi og verður hluti af daglegum vinnubrögðum.

Efnistök:

• Fimm lykilþættir góðrar þjónustu
• Samskipti og framkoma í þjónustuhlutverki
• Dæmi um góða og síður góða þjónustu
• Hvernig lítil atriði geta haft stór áhrif á upplifun viðskiptavina
• Ígrundun og verkefni sem tengjast eigin starfi
• Eftirfylgni sem styður við varanlegar breytingar