Myndvinnsla með gervigreind

Gervigreind hefur gjörbreytt myndvinnslu og opnað nýjar víddir fyrir alla, óháð fyrri reynslu. Á þessu námskeiði lærir þú að nýta krafta gervigreindar til að búa til og breyta myndum á áhrifaríkan hátt. 

Á námskeiðinu verða kynnt leiðandi gervigreindar-myndvinnsluverkfæri sem eru bæði notendavæn og bjóða frían aðgang. Þú lærir að nota þessi verkfæri til að búa til myndefni út frá einföldum textalýsingum, breyta eldri myndum og jafnvel búa til hreyfimyndir út frá myndum. Farið verður í hvernig þú breytir stílum, sameinar myndir, fjarlægir bakgrunn, býrð til listaverk frá grunni og margt fleira.

Þú lærir að skrifa áhrifaríkar kvaðningar (prompts) til að fá bestu útkomu og færð hagnýta þjálfun í nýjustu tækni í myndvinnslu sem nýtist í starfi og leik.