Það er nóg pláss í klúðurklúbbnum – gróskuhugarfar í verki

Á þessu lifandi vefnámskeiði er fjallað um hvernig mistök, óvissa og ófullkomleiki eru eðlilegur og mikilvægur hluti af námi, þróun og árangri, bæði í starfi og einkalífi. Lögð er áhersla á hvernig viðhorf okkar til áskorana, mistaka og eigin getu móta hegðun, sjálfstraust, samskipti og frammistöðu.

Þátttakendur fá innsýn í hvernig þróa má gróskuhugarfar þar sem áhersla er lögð á lærdóm, seiglu og stöðuga þróun fremur en fullkomnun eða ótta við að gera mistök. Unnið er með raunhæf dæmi, ígrundun og einföld hagnýt verkefni sem styðja við að yfirfæra hugmyndirnar yfir í daglegt líf og starf.

Helstu viðfangsefni:

• Klúður og mistök sem lærdómsferli og hvers vegna þau skipta máli
• Fastmótað hugarfar vs. gróskuhugarfar: áhrif á hegðun, samskipti og árangur
• Ótti við mistök, fullkomnunarárátta og sjálfsgagnrýni
• Að skapa öruggt rými til að prófa, læra og vaxa
• Hagnýt verkfæri til að efla gróskuhugarfar í daglegu lífi og starfi