Viðurkenndur bókari - Endurmenntun Háskóla Íslands

Endurmenntun HÍ býður uppá nám til undirbúnings fyrir próf til viðurkenningar bókara á vegum Atvinnuvega- og nýsköpurnarráðuneytisins skv. 43. grein laga nr. 145/1994 um bókhald.

Námið er eitt misseri og skiptist í þrjá hluta: Reikningshald, skattskil og upplýsingatækni ásamt raunhæfu verkefni úr efnisþáttum I. og II. prófhluta. Námið má fá metið til 6 ECTS eininga á grunnstigi háskóla, að því gefnu að þátttakandi uppfylli inntökuskilyrði HÍ ásamt því að ljúka öllum prófhlutum til viðurkenningar bókara með tilskilinni lágmarkseinkunn.

Námið er einkum ætlað þeim sem starfa eða hafa hug á starfi á sviðum bókhalds-, fjármála- og hagdeilda fyrirtækja og stofnana. 
Mælt er með því að umsækjendur hafi starfað við bókhald og hafi haldgóða þekkingu og reynslu af bókhaldsstörfum sem og Excel töflureikni.

Nánari upplýsingar er að finna á vef EHÍ. 

Athygli er vakin á því að sækja þarf um bæði hjá okkur og EHÍ. 

Kynningarfundur um námið verður 20. maí kl. 17, hjá Endurmenntun, Dunhaga 7.