Góð geðheilsa, sterkari stofnun!

Námskeiðið er opið starfsfólki ríkis og sveitarfélaga sem og öllum aðildarfélögum Starfsmenntar.

Á námskeiðinu verður fjallað um líðan og geðheilsu starfsfólks og hvernig starfsumhverfi getur stuðlað að góðri geðheilsu, valdeflingu starfsfólks og stutt þau sem eru að vinna í bataferli sínu.
Farið verður yfir hvað geðræn áskorun felur í sér, fjallað verður um ýmsar bataleiðir og hvernig stuðning stjórnendur og samstarfsfólk getur veitt þeim starfsmönnum sem hafa staðið frammi fyrir eða standa frami fyrir geðrænum áskorunum.
Þá verður einnig fjallað um ýmsa þætti sem við öll getum sinnt til að huga að eigin geðheilsu og jafnvægi í lífi og starfi.